• Şriftin razmerini yekəlt
  • Nomral şrift
  • Şriftin razmerini azalt
Ana səhifə

İsmayılov Mübariz Məcid oğlu

E-mail Çap PDF

 

Mübariz Məcid oğlu İsmayılov 1962-ci il yanvar ayının 10-da Qərbi Azərbaycanın Vedi rayonunda anadan olub. Orta məktəbi həmin rayonda bitirib. 1988-ci ildəki məlum hadisələrdən sonra ailəsi ilə birgə Gəncə şəhərinə köçmüşdür. Mübariz İsmayılov Gəncə şəhər Dəmir Yol Stansiyasının tərkibindəki Lokomotiv Deposunda maşinist vəzifəsində işləmişdir. Azərbaycanın Milli Ordu sıralarında olmuşdur. Mübariz Məcid oğlu 1994-cü il yanvar ayının 3-də Ağdərə rayon istiqamətində gedən qızğın döyüşlərdə şəhid olub. Gəncə şəhər "Şəhidlər Xiyabanı"nda dəfn edilmişdir.

Evli idi. İki uşağı yadigar qalıb.

Ölümündən sonra «Fəxri Dəmiryolçu» nişanı ilə təltif edilmişdir.

Ailəsi ilə birlikdə Gəncə şəhəri Z.Hacıyev küçəsində 30 N-li evin 7-ci mənzilində yaşayırdı.

 

Məmmədhəsənov Teymur Akif oğlu

E-mail Çap PDF

 

Teymur Akif oğlu Məmmədhəsənov 1969-cu il fevral ayının 18-də Gədəbəy rayonunun Əli-İsmayıllı kəndində anadan olmuşdur. Gəncə Politexnik Texnikumunu bitirmişdir. 1991-ci ilin oktyabr ayında Gəncə Elektrik Təchizatı Distansiyasında elektrik montyoru vəzifəsinə qəbul olunmuşdur. Azərbaycan Milli Ordusu sıralarında xidmət etmişdir. 1993-cü il noyabr ayının 5-də Gəncə ətrafında gedən döyüşdə şəhid olub. Gəncə şəhərində «Şəhidlər xiyabanı»nda dəfn olunub.

Subay idi.

Valideynləri ilə birgə Gəncə şəhər, Üzeyir Hacıbəyov küç, 14 saylı bina evində yaşayırdı.

 

Haqqım var ki, öyünüm... Şeyxzamanlı qardaşları

E-mail Çap PDF

 

                                                          3  4

Film 2004-cü ildə hazırlanmışdır.

 

Bayramov İsmayıl Məmməd oğlu

E-mail Çap PDF

 

 

İsmayıl Məmməd oğlu Bayramov 1966-cı il sentyabr ayının 23-də Gəncə şəhərində qulluqçu ailəsində anadan olmuşdur. Natamam orta təhsilli idi. Gəncə şəhərində yerləşən 9 saylı Texniki - Peşə məktəbini bitirmişdir. İsmayıl Bayramov 1984-cü ildə Gəncə Dəmir Yol Stansiyasının İşarəvermə və Rabitə Distansiyasında fəhlə işləməyə başlamışdı. Azərbaycanın Milli Ordusu sıralarına könüllü olaraq getmişdir. İsmayıl Məmməd oğlu 1992-ci il iyul ayının 4-də Ağdərə rayonunda gedən döyüşlərdə qəhrəmancasına vuruşaraq şəhidlik zirvəsinə ucalmışdır. Subay idi. Qəbri Gəncə şəhərində yerləşən «Şəhidlər Xiyabanı»ndadır.

Valideynləri ilə birlikdə Gəncə şəhəri Aydınbəyov küçəsi 1-ci dalan 19 N-li evin 24-cü mənzilində yaşayırdı.

 

Məmişov Rövşən Məhərrəm oğlu

E-mail Çap PDF

 


Rövşən Məhərrəm oğlu Məmişov 1971-ci il noyabr ayının 3-də Gəncə şəhərində qulluqçu ailəsində anadan olmuşdur. Orta təhsilini Gəncə şəhərində alıb. 1992-ci ilin iyun ayında Gəncə şəhərində hərbiləşdirilmiş mühafizə dəstəsində atıcı işləmişdir. Eyni zamanda Gəncə şəhər Dəmir Yol Stansiyasında da çalışmışdır. Rövşən Məmişov 1992-ci il avqust ayının 15-də Azərbaycan Milli Ordu sıralarına çağırılmışdır. Rövşən Məmişov 1994-cü il aprel ayının 17-də Füzuli rayonunda gedən döyüşlərdə qəhrəmancasına döyüşərək şəhid olmuşdur. Qəbri Gəncə şəhərində yerləşən "Şəhidlər Xiyabanı"ndadır. Subay idi.

Valideynləri ilə birlikdə Gəncə şəhəri Üzeyir Hacıbəyov küçəsi 119 saylı bina evində yaşayırdı.

 

Qaffari Rizvan Yavər oğlu

E-mail Çap PDF

 

 shehidler

 

Rizvan Yavər oğlu Qaffari 1968-ci il yanvar ayının 8-də Gəncə şəhərində ziyalı ailəsində anadan olmuşdur. Orta təhsilini Gəncə şəhərində almışdır. 1985-1992-ci illər ərzində Gəncə şəhər Dəmir Yol Stansiyasında texniki kontorda operator vəzifəsində işləmişdir. Azərbaycan Milli Ordusu sıralarında xidmət etmişdir. Qaffari Rizvan 1992-ci il iyun ayının 29-da Ağdərə rayonunun Levonarx kəndində gedən qızğın döyüşlərin birində qəhrəmancasına vuruşaraq şəhid olmuşdur. Subay idi. Qəbri Gəncə şəhərinin Şəhidlər Xiyabanındadır.

Valideynləri ilə birlikdə Gəncə şəhəri Tbilisi küçəsi 48 saylı bina evində yaşayırdı.

 

Şahzadə İbrahim İmam Məhəmməd Baqir (Ə) oğlu

E-mail Çap PDF

Film Gəncə şəhərində yerləşən İmamzadə Ziyarətgahı və Şahzadə İbrahim (Ə.) haqqında tarixə və hədislərə əsaslanaraq çəkilmişdir.

 

Şirin Həsən oğlu Rzayev

E-mail Çap PDF

Maestro Şirin

(Şirin Rzayev və Fikrət Əmirov)

Gəncə simfonik orkestrinin və dirijorluq məktəbinin yaradıcısı, şəhər xor sənətinin inkişafında əvəzsiz xidmətlər göstərən, əməkdar mədəniyyət işçisi Şirin Həsən oğlu Rzayev 25 aprel 1942-ci ildə Gəncənin Əttarlar məhəlləsində anadan olmuşdur. Atası, dəyirmançı İbrahimin oğlu Həsən kişi uzun müddət Gəncə şəhər Təmizlik İdarəsində xəzinədar işləmişdir.

Şirin Rzayev 1959-cu ildə Gəncə şəhər 1 saylı orta məktəbi bitirmiş və Gəncə şəhər Musiqi Texnikumunda kamança şöbəsində təhsil almışdır. Texnikumu fərqlənmə diplomu bitirdikdən sonra 1961-ci ildə Ü.Hacıbəyov adına Azərbaycan Dövlət Konservatoriyasının "Xor dirijoru" fakültəsinə daxil olmuşdur. Xalq artisti, tanınmış bəstəkar Cahangir Cahangirovun sinfində təhsil alan Ş.Rzayev 1965-1967-ci illərdə Leninqrad (Sankt-Peterburq) şəhərində sovet ordusu sıralarında əsgəri xidmətdə olmuş və hərbi orkestrdə dirijorluq etmişdir. Ş.Rzayev hərbi xidmətini başa vurduqdan sonra təhsilini davam etdirmiş, 1968-ci ildə Konservartoriyanı fərqlənmə diplomu ilə bitirmişdir. Ş.Rzayev hələ tələbəlik illərində Ü.Hacıbəyovun "Koroğlu", C.Verdinin "Otello" və P.Çaykovskinin "Qara toxmaq qadın" operalarına xormeysterlik etmişdir. İstedad və qabiliyyətini nəzərə alaraq Ş.Rzayevi bitirdiyi Konservatoriyada müəllim kimi saxlamışlar. Bir ildən sonra isə Şirin Rzayev Q.Hüseynli adına Gəncə Musiqi Məktəbinə direktor təyin olunmuş və 1969-74-cü illərdə bu vəzifədə çalışmışdır.

Şirin Rzayev 1969-cu ildə Gəncədə ilk simfonik orkestri yaratmış, onun bədii rəhbəri və dirijoru olmuşdur. Korifey bəstəkarımız Fikrət Əmirov bu orkestri belə dəyərləndirmişdir: " Vaxtilə böyük Üzeyir Hacıbəyov Gəncədə bir neçə dəfə olmuşdur. Hər dəfə Qədim Gəncəyə gələndə burada yeni-yeni bədii kollektivlər yaratmaq, təşkil etmək arzusu ilə yaşamışdır. İndi kaş Üzeyir bəy sağ olaydı və Gəncəmizdə təşkil edilmiş bu istedadlı kollektivi öz gözləri ilə görəydi...Bax, bizim üçün bundan əziz, bundan qiymətli, bundan böyük hədiyyə nə ola bilərdi ki?!". Bəli, Üzeyir bəyin bu istədiyini Gəncədə ilk olaraq Şirin Həsən oğlu Rzayev həyata keçirdi.

Şirin Rzayev həmçinin uzun müddət Gəncə Musiqi Texnikumunda müəllim, sonradan direktor vəzifəsində çalışmışdır. 1980-ci ildə Ş.Rzayev Gəncədə xor sənətinin inkişafı naminə "Şərəfxanlı" el nəğmələri teatrı folklor xorunu yaradır. Əsasən xalq mahnılarını, bəstəkarlarımızın milli kaloritdə xalqın ruhuna uyğun gələn mahnılarını repertuarına daxil edən Şirin Rzayev, yaratdığı bu yeni kollektivin bədii rəhbəri və dirijoru olaraq az müddətdə Respublikada, onun hüdudlarından kənarda məşhurlaşır. "Şərəfxanlı" el nəğmələri folklor xoru 1981-ci ildə Moskva şəhərində keçirilən Ümumittifaq festivalında yüksək səviyyədə iştirak edir və kollektivin rəhbəri Şirin müəllim qızıl, kollektiv isə gümüş medalla təltif olunur. SSRİ Mədəniyyət Nazirliyinin və Azərbaycan Ali Soveti Rəyasət Heyətinin "Fəxri fərman"larına layiq görülən kollektiv fəaliyyət göstərdiyi 10 ildən artıq müddətdə demək olar ki, bütün dövlət səviyyəli tədbirlərdə iştirak edərək, mükafatlara layiq görülmüşlər. Həmçinin, "Şərəfxanlı" el nəğmələti folklor xoru ölkəmizi Türkiyə, Rusiya, Gürcüstan, Moldova, Ermənistan və Almaniya Respublikalarında layiqincə təmsil etmişlər.

1985-ci ildə "Zəhmətkeşlərin estetik tərbiyəsində göstərdiyi xidmətlərə görə" Şirin Rzayevə "Respublikanın Əməkdar Mədəniyyət işçisi" fəxri adı verilmişdir.

(Bəstəkar Soltan Hacıbəyov və Şirin Rzayev 1971-ci il.)

Şirin Rzayev 1990-cı ildə Fikrət Əmirov adına Gəncə Dövlət Filarmoniyasının direktoru vəzifəsinə təyin olunur. Həmin ildən də etibarən Şirin Rzayev "Göy-göl" dövlət mahnı və rəqs ansamblına rəhbərlik etməyə başlayır. Şirin Rzayevin rəhbərliyi ilə ansambl fəaliyyətinə görə müxtəlif fəxri fərmanlara, diplomlara layiq görülür.

Şirin Rzayev 1997-ci ildə Filarmoniyadan ayrılaraq sevimli dirijorluq fəaliyyətini Gəncə Dövlət Kamera Orkestrində davam etdirir. 1995-2005-ci illərdə Gəncə Dövlət Kamera Orkestrinin bədii rəhbəri və baş dirijoru olan Ş.Rzayev, hazırda Gəncə Musiqi Kollecində və pedaqoji fəaliyyətini davam etdirir. Respublikada iki ildən bir keçirilən musiqi məktəbləri xor kollektivlərinin müsabiqəsində Ş.Rzayev fəal iştirakına və Samux rayon Sərkar kənd Musiqi Məktəbinin Uşaq xorunu yüksək səviyyədə hazırladığına görə, 2009 və 2011-ci illərdə Mədəniyyət və Turizm Nazirliyinin "Fəxri Fərman"ına layiq görülmüşdür.

Şirin Rzayev Gəncənin ictimai-siyasi və mədəni həyatında da yaxından iştirak etmişdir. O, 1980-ci ildən 1990-cı ilədək IV çağırış Şəhər Xalq Deputatları Sovetinə deputat seçilmişdir.

Şirin Rzayev 1970-ci ildə ixtisasca musiqiçi olan Nurlana xanımla ailə həyatı qurmuşdur. Şirin Rzayev iki qız, bir oğul atası və dörd nəvə babasıdır.

Milli musiqi mədəniyyətimizin inkişafında öz xidmətlərini göstərmiş və önəmli töhfələrini vermiş Şirin Həsən oğlu Rzayevə Allahdan can-sağlığı arzulayırıq.

 

Nigar xanım Rəfibəyli

E-mail Çap PDF

 

Azərbaycan Respublikasının xalq şairi, əməkdar mədəniyyət işçisi, tərcüməçi Nigar xanım Xudadat bəy qızı Rəfibəyli (1913-1981).

Film 2009-cu ildə hazırlanmışdır.

 

Pişnamazzadə Mirzə Əli Axund Molla Məhəmməd oğlu

E-mail Çap PDF

 

(Mirzə Əli Pişnamazzadə ailəsi ilə birgə)

Gəncənin tanınmış ziyalılarından biri, kənd təsərrüfatı elmləri namizədi, professor Mirzə Əli Axund Molla Məhəmməd oğlu Pişnamazzadə 1901-ci il may ayının 21-də Gəncə şəhərinin Ozan məhəlləsində ruhani ailəsində anadan olmuşdur. Atası Zaqafqaziya Şeyxülislamı olmuş Axund Molla Məhəmməd ağa Pişnamazzadə eyni zamanda "Difai" Partiyasının Gəncə şöbəsinin sədri olmuşdur. Məhəmməd ağa həmçinin Gəncədə öz vəsaiti hesabına kasıb təbəqənin övladları üçün orta təhsilli məktəb açmışdır.

Mirzə Əli Pişnamazzadə ilk təhsilini atasından aldıqdan sonra 1907-ci ildə Gürcüstan Respublikasının Qori şəhərindəki Müəllimlər Seminariyasında rus dilində təhsil almışdır. Seminariyada oxuyarkən Mirzə Əli Pişnamazzadə ilə birlikdə Gəncənin görkəmli ailəsinin nümayəndəsi Hacı Poladzadə və dövrün bir çox görkəmli şəxslərinin övladları təhsil almışlar.

1917-ci ildə Mirzə Əli Pişnamazzadə Gəncə şəhərində Təhsil sistemində ibtidai sinif müəllimi kimi fəaliyyətə başlamışdır.

Mirzə Əli Pişnamazzadə 1922-ci ildə Azərbaycan Politexnik İnstitutunun aqronomiya fakültəsinə qəbul olunmuş və müvəffəqiyyətlə institutu bitirmişdir. 1927-ci ildə Mirzə Əli müəllim Gəncə şəhərində yerləşən Azərbaycan Kənd Təsərrüfatı İnstitutunda aqronomluq fakültəsində dərs demişdir.

Mirzə Əli müəllim həmin ili 1918-20-ci illərdə Bakı şəhər Polismeystri olan və 1920-ci ildə repressiyaya məruz qalmış Rüstəm bəy Mirzəzadənin qızı Minaxanımla ailə həyatı qurmuşdur. Və bu evlilikdən Pişnamazzadə ailəsinin altı övladı olmuşdur.

1948-ci ildə Sovet bürokratiyası Mirzə Əli Pişnamazzadənin soyadının ruhani nəslə mənsubluğunu və atası Axund Məhəmməd Pişnamazzadənin Azərbaycan milli hərəkatının fəal iştirakçılarından biri olduğunu bilərəkdən kənd təsərrüfatı elmləri namizədlik dissertasiyasını müdafiə etməkdən imtina etmişdir. Çox əzablar, çətinliklərdən sonra nəhayət, 1954-cü ildə Mirzə Əli Pişnamazzadə dissertasiyasını müdafiə edərək, kənd təsərrrüfatı elmləri namizədi adına layiq görülür.

Azərbaycan Kənd Təsərrüfatı İnstitutunun bünövrəsini qoyanlardan biri olan Mirzə Əli Pişnamazzadənin 200-dən çox elmi məqalələri, 40-dan çox dərslik kitabları çap olunmuşdur.

Mirzə Əli Pişnamazzadə 1970-ci ildə doktorluq dissertasiya işini yekunlaşdırmış və İrəvan şəhərində üzdən iraq qonşularımıza öz müdafiə etdiyi elminin incəliklərini tutarlı arqumentlərlə sübut etmiş və elmi işinin tam mahiyyətini, kənd təsərrüfatı sahəsinə vacib olmasını konkret dəlillərlə isbat etmişdir. Mirzə Əli müəllimin müdafiə etdiyi mövzu isə "Şəkər çuğundurunun heyvandarlıqda yem üçün istifadəsi" işi olmuşdur.

Gəncə və Gəncəbasarda elə bir kənd təsərrüfatı işçisi, mütəxəssisi yoxdur ki, Mirzə Əli Pişnamazzadəni tanımasın. Mirzə Əli müəllim şəxsən eks prezident Heydər Əliyevin böyük qardaşı Həsən Əliyevə dərs demişdir.

Mirzə Əli müəllimin elmi işlərini və dərs vəsaitlərini nəzərə alaraq ona doktorluq dissertasiyası monoqrafiyasına görə çalışdığı institutun elmi şurası professor elmi adına layiq görmüşdür.

1971-ci ildə Mirzə Əli müəllim təqaüdə çıxmışdır. Hətta, təqaüddə olarkən institut müəllimləri ondan təhsil, elm və digər sahələr üzrə məsləhətlər və tövsiyyələr almışlar.

Mirzə Əli Axund Molla Məhəmməd oğlu Pişnamazzadə 1988-ci ilin dekabr ayının 22-də Allahın rəhmətinə qovuşmuş və Gəncənin İmamzadə qəbristanlığındakı ailə türbəsində dəfn olunmuşdur.

 


AXTARIŞ

GİRİŞ

Paylaş


© 2011 - 2013. Hər hansı bir məlumatı, materialı və fotoşəkili administrasiyanın icazəsi olmadan istifadə etmək qeyri-qanuni hesab ediləcək və Azərbaycan Respublikasının Qanunlarına əsasən cəzalandırılacaqdır.
ankara escort