• Şriftin razmerini yekəlt
  • Nomral şrift
  • Şriftin razmerini azalt
Ana səhifə

Səmədov Pərviz Əbdüləhəd oğlu

E-mail Çap PDF

Azərbaycan Respublikasının Milli Qəhrəmanı

Pərviz Əbdüləhəd oğlu Səmədov 5 may 1970-ci ildə Gəncə şəhərində anadan olmuşdur. İlk təhsilini 1 saylı orta məktəbdə aldıqdan sonra, 15 saylı texniki-peşə məktəbində davam etdirmiş və avtomobil çilingəri ixtisasına yiyələnmişdir.

Hərbi xidməti iki il Çita şəhərində keçirir və 1990-cı ildə Gəncəyə qayıdır. 1991-ci ildə könüllü olaraq, Ağdam bölgəsinə gədir və kəşfiyyat bölüyünün komandiri kimi fəaliyyətə başlayır. Pərviz Səmədov Şelli, Naxçıvanik, Aranzəmin, Pircamal, Abdal-Gülablı, Novruzlu, Qaralar kəndləri uğrunda gedən döyüşlərdə misilsiz xidmət göstərib. Gülablı kəndi uğrunda gedən döyüşdə ermənilər səhiyyə helikopterimizi vuranda Pərviz irəli çıxaraq, aramsız atəşlə düşməni pərən-pərən salmışdır. Helikopter heyəti xilas edilmişdir.

1992-ci ldə may ayının 15-də yenə də Ağdamın Gülablı kəndində gedən qızğın döyüşlərdə qəhrəmanlıq nümayiş etdirmiş və həmin döyüşdə qəhrəmancasına həlak olmuşdur.
Pərviz ailəli idi. Öz adını daşıyan bir oğlu var. 
Azərbaycan Respublikası Prezidentinin 7 iyun 1992-ci il tarixli 833 saylı Fərmanı ilə 22 yaşında Səmədov Pərviz Əbdüləhəd oğluna ölümündən sonra "Azərbaycanın Milli Qəhrəmanı" fəxri adı verilmişdir.
Gəncə şəhərində dəfn edilmişdir.
Gəncə şəhərində adına küçə verilmişdir.

 

Hüseynov Şahlar İsa oğlu

E-mail Çap PDF

Azərbaycan Respublikasının Milli Qəhrəmanı

Şahlar İsa oğlu Hüseynov 26 noyabr 1969-cu ildə Qərbi Azərbaycanın Razdan rayonunun Misxana kəndində anadan olmuşdur. 1988-ci ilin noyabr ayında Hüseynovlar ailəsi məlum hadisələrdən sonra Gəncə şəhərinə pənah gətirmişdir. Şahlar Hüseynov hərbi xidməti Moskvada qulluq etmişdir. Əsgərlikdən Gəncəyə qayıdan Şahlar burada 27 saylı texniki-peşə məktəbini bitirərək, bir müddət Gəncə Alüminium Zavodunda çilingər işləmişdir.

1992-ci ildə könüllü olaraq Gəncə batalyonunun tərkibinə qoşulur. Şahlar erməni dilini bildiyi üçün tez-tez kəşfiyyata gedər, məlumat gətirər və sonra hücum vaxtı həmin yerləri yerlə yeksan edərdi. Bir çox döyüşlərdə fəal iştirak etmişdir.

1992-ci ilin aprel ayının 10-da Tərtər rayonunun Şəfəq kəndində daha böyük hünərlə vuruşaraq düşmənin texnikasını və canlı qüvvəsini məhv etmişdir. Uzun sürən döyüşdən sonra Şahlar Hüseynov elə həmin günü axşamı böyük şücaət göstərərək, qəhrəmancasına həlak olmuşdur.
Şahlar Hüseynov subay idi.
Azərbaycan Respublikası Prezidentinin 7 iyun 1992-ci il tarixli 833 saylı fərmanı ilə Hüseynov Şahlar İsa oğluna ölümündən sonra "Azərbaycanın Milli Qəhrəmanı" fəxri adı verilmişdir.
Gəncə şəhəri Şəhidlər Xiyabanında dəfn edilmişdir. Gəncə şəhərində adına küçə verilmişdir.

 

Əsədov Rəfael Əvəz oğlu

E-mail Çap PDF

Azərbaycan Respublikasının Milli Qəhrəmanı

Rəfael Əvəz oğlu Əsədov 27 oktyabr 1952-ci ildə Gəncə şəhərində anadan olub. 1969-cu ildə orta məktəbi bitirdikdən sonra Tbilisi Ali Artilleriya Məktəbinə daxil olmuşdur. Rəfael Əsədov 1973-cü ildə isə təhsilini Leninqrad Hərbi Artilleriya Akademiyasında davam etdirmişdir. Hərbi xidmətini Macarıstan, Vyetnam, Əfqanıstanda qulluq etmişdir.
1991-ci ilin iyun ayının 10-dan Rəfael Əsədov Ağdam, Goranboy, Tovuz, Gədəbəy bölgələrində hərbi əməliyyatların təşkilatçısı, fəal iştirakçısı olmuşdur. Uğurlu Başkənd əməliyyatını hazırlayan və həyata keçirən zabitlərimizdən biri məhz Rəfael Əsədovdur. Düşmənin çoxlu sayda texnikasının məhv etmişdir.

Rəfael Əsədov 25 sentyabr 1992-ci ildə əməliyyata hazırlıq zamanı döyüş mövqelərinə nəzarət edərkən, yaxınlıqda partlayan mərmi qəlpələrindən həlak olmuşdur.

Əsədov Rəfael evli idi. Leyla və Anna adlı iki qızı Gəncədə yaşayır.

Azərbaycan Respublikası prezidentinin 16 sentyabr 1994-cü il tarixli 202 saylı fərmanı ilə polkovnik Əsədov Rəfael Əvəz oğluna ölümündən sonra “Azərbaycanın Milli Qəhrəmanı” adına layiq görülmüşdür.

 

Arazov Ənvər Talış oğlu

E-mail Çap PDF

Azərbaycan Respublikasının Milli Qəhrəmanı

Ənvər Talış oğlu Arazov 2 dekabr 1953-cü ildə Gəncə şəhərində anadan olmuşdur. Gəncə Politexnik Texnikumunu bitirdikdən sonra, 1974-cü ildə Murmansk vilayətinin Severomorsk şəhər Hərbi Dəniz Donanmasında xidmət etmişdir. Xidmətdən sonra Gəncəyə qayıdaraq, “Büllur” zavodunda müxtəlif vəzifələrdə işləməyə başlayır.

1988-ci illərdə Ənvər Arazov Gəncədə Xalq Hərəkatının öncüllərindən biri olmuşdur. Bir müddət Daxili İşlər Nazirliyində işlədikdən sonra silaha sarılır və cəbhəyə yola düşür. Alay komandiri kimi bir çox yerlərdə vuruşub. Ağdərə rayonunda bir çox uğurlu əməliyyatlar aparıb. Sırxavənd, Ortakənd, Mehmanə, Drambon, Kasapet və Sərsəng su anbarı uğrunda döyüşlərdə qəhrəmanlıq göstərmişdir. 1992-ci ilin oktyabr ayında briqada komandirinin müavini təyin edilib və polkovnik rütbəsi almışdır.

1992-ci il noyabr ayının 1-dən 2-nə keçən gecə ağır döyüşlərin birində Ağdamın Sırxavənd kəndində erməni quldurları ilə qeyri bərabər döyüşdə mərdliklə həlak olur.

Ənvər Arazov ailəli idi, Azər adlı oğlu, Samirə adlı qızı var.

Azərbaycan Respublikası prezidentinin 6 noyabr 1992-ci il tarixli 290 saylı fərmanı ilə Arazov Ənvər Talış oğluna ölümündən sonra “Azərbaycanın Milli Qəhrəmanı” adına layiq görülmüşdür.

Gəncə şəhəri Şəhidlər xiyabanında dəfn edilib.

 

Makeyev İqor Vladimiroviç

E-mail Çap PDF

Azərbaycan Respublikasının Milli Qəhrəmanı

Makeyev İqor Vladimiroviç 27 oktyabr 1971-ci ildə Gəncə şəhərində fəhlə ailəsində anadan olub. Qardaşı Çernobil qəzasında vəfat edib. İqor 1987-ci ildə 39 saylı orta məktəbdə təhsil almışdır. 1987-1990-cı illərdə isə 9 saylı texniki-peşə məktəbində avtomobil çilingəri vəzifəsinə yiyələnmişdir. İqor Rusiyanın Rostov vilayətində 6 ay çavuş məktəbində təhsil alaraq, baş çavuş rütbəsi almışdır. İqor hərbi xidmətdən sonra 1992-ci ildə həyatını cəbhəyə bağlayır.

1992-ci il iyun ayının 5-də erməni quldurları Naxçıvanik kəndinə qəflətən hücuma keçir, burada İqor qurduğu postu möhkəmləndirir. Ağdam, Tərtər, Ağdərə uğrunda gedən döyüşlərdə qəhrəmanlıq göstərir. 708 nəfər, o cümlədən bölük komandiri də ağır yaralanır.   

Ağdərə uğrunda gedən döyüşlərdə İqor əsil qəhrəmanlıq göstərir. 1992-ci ilin avqust ayının 2-də “Nikulin” ləqəbli dostu ilə birlikdə 28 əsgərin həyatını xilas edir. "Vışka" yüksəkliyi uğrunda gedən döyüşdə isə qəhrəmancasına həlak oldu.

İqor subay idi.

Azərbaycan Respublikası Prezidentinin 6 noyabr 1992-ci il tarixli 290 saylı Fərmanı ilə Makeyev İqor Vladimiroviçə ölümündən sonra "Azərbaycanın Milli Qəhrəmanı" fəxri adı verilmişdir.

Gəncə şəhəri Şəhidlər Xiyabanında dəfn edilmişdir.

Gəncənin Sadıllı qəsəbəsində adına küçə var.

 

Allahverdiyev Elbrus Hacı oğlu

E-mail Çap PDF

Azərbaycan Respublikasının Milli Qəhrəmanı

Allahverdiyev Elbrus Hacı oğlu 27 sentyabr 1958-ci ildə Gəncə şəhərində anadan olmuşdur. Gəncədəki 18 saylı orta məktəbi bitirmişdir. Sovet vaxtı Almaniyada hərbi xidmətdə olmuşdur. Hərbi xidmətdən sonra 1990-cı ildə Orconikidze şəhərində Kənd Təsərrüfatı İnstitunu bitirmişdir.

Elbrus Allahverdiyev ailəsi ilə birlikdə bir müddət Vladiqafqazda yaşamışdır. Allahverdiyev Elbrus vətənin üstünü qara buludlar alanda Azərbaycana qayıdaraq könüllü olaraq 17 may 1992-ci ildə cəbhəyə yollanır. O Silahlı Qüvvələrimizin ilk topçularından biri olmuşdur.

1992-ci ilin iyun ayında onun rəhbərliyi ilə ilk artileriya divizionu yaradıldı. Həmin divizion 1992-ci ilin sentyabr ayında Avdur ətrafındakı döyüşlərdə, şücaət göstərərək, düşmənin zirehli texnikalarını sıradan çıxardı. Elbrus Allahverdiyevin özü isə Ağdərədə erməni quldurların reaktiv artilleriyasını sərrast atəşlərlə sıradan çıxartmışdır.

Çıldıran uğrunda döyüşlərdə leytenant Allahverdiyev öz dəstəsi ilə düşmən arxasına keçərək erməniləri məhv etmişdir.

1993-cü il iyun ayının 14-ə ermənilərin Ağdam rayonuna hücumu zamanı onlar Şelli kəndi istiqamətində irəliləmək istəsələrdə, Elbrusun dəqiqliyi ermənilərin xeyli itkisi ilə nəticələndi və onlar geri çəkildi. İyun ayının 16-da işğalçıların növbəti hücumu zamanı Elbrus Allahverdiyev əsgər yoldaşları ilə piyadaların köməyinə gedərkən mərmi partlayışından ağır yaralanır. Allahverdiyevi hospitala çatdırsalarda lakin onu xilas etmək mümkün olmur.

Azərbaycan Respubliksı prezidentinin 16 sentyabr 1994-cü il tarixli 202 saylı fərmanı ilə Allahverdiyev Elbrus Hacı oğluna ölümündən sonra “Azərbaycanın Milli Qəhrəmanı” adına layiq görülmüşdür.

Gəncə şəhərindəki Şəhidlər Xiyabanında torpağa tapşırılıb.

Gəncəli Allahverdiyevin iki qızı, bir oğlu var.

 

Gəncə Tibb Cəmiyyəti

E-mail Çap PDF

 

(Xudadat bəy Rəfibəyli və Nuru Paşa, Gəncə 1918-ci il.)

1914-cü ildə Gəncədə Xudadat bəy Ələkbər bəy oğlu Rəfibəylinin təşəbbüsü və rəhbərliyi ilə Azərbaycanda ilk səhiyyə-sağlamlıq cəmiyyəti olan Gəncə (Yelizavetpol) Tibb Cəmiyyəti yaradıldı.

Gəncə (Yelizavetpol) Tibb Cəmiyyətin məqsədi Gəncədə yoxsullara, kimsəsizlərə pulsuz tibbi yardım göstərmək idi.

Həsən bəy Ağayev, Həmzə bəy Zeynalov, Musa bəy Rəfiyev və s. şəxslər cəmiyyətin fəal üzvləri idilər.

Gəncə (Yelizavetpol) Tibb Cəmiyyəti Bakı, Şuşa, Şəki və şəhərlərdə fəaliyyət göstərən cəmiyyətlərlə daim sıx əlaqədə olurdular.

 

Qulubəyov Mikayıl Rəhim bəy oğlu

E-mail Çap PDF

 

Mikayıl Rəhim bəy oğlu Qulubəyov 1915-ci il noyabr ayının 30-da Mollavələdli (Goranboy r. Şəfəq kəndi) kəndində ziyalı ailəsində anadan olmuşdur. Mikayıl Qulubəyovun atası Rəhim bəy Yusif bəy oğlu Qori Müəllimlər Seminariyasını qızıl medalla bitirmiş, Mollavələdli kəndində məktəb açmış (hazırda məktəb Rəhim bəyin adını daşıyır), Azərbaycanın görkəmli maarif xadimi olmuşdur. 

Mikayıl Qulubəyov ilk təhsilini atasından aldıqdan sonra, Quba Kənd Təsərrüfatı Texnikumuna daxil olmuşdur. Texnikumu bitirdikdən sonra Mikayıl müəllim 1934-cü ildə Azərbaycan Dövlət Universitetinin (indiki BDU) kimya fakültəsinə daxil olaraq, 1939-cu ildə Universiteti fərqlənmə diplomu ilə bitirmişdir. Bir müddət Gəncədə Azərbaycan Kənd Təsərrüfatı İnstitutunun üzvi kimya kafedrasında işləmişdir.

1942-ci ildə könüllü olaraq cəbhəyə getmiş, həmin ilin avqust ayında Stalinqrad uğrunda gedən döyüşlərdə ayağından yaralanmış və almanlar tərəfindən əsir götürülmüşdür. Əsirlikdən İtaliyaya, daha sonra Yuqoslaviyaya sürgün olunmuşdur.

Mehdi Hüseynzadə ilə birlikdə İtaliya və Yuqoslaviyada almanlara qarşı mübarizədə fəal iştirak etmişdir. Mikayıl Qulubəyov döyüş dostu Mehdi Hüseynzadəni cəbhədə yaralanarkən kimyaçı həkim kimi onu ölümdən xilas etmişdir. Partizanlıq göstərdiyinə görə Yuqoslaviya höküməti tərəfindən üç dəfə “Qəhrəmanlıq ordenləri” ilə təltif olunmuşdur. Həmçinin, Yuqoslaviyanın qızıl medalına layiq görülmüşdür.

Müharibədən sonra 1945-ci ildə Gəncəyə qayıtmış və Azərbaycan Kənd Təsərrüfatı İnstitutunda çalışmışdır.

Mikayıl Qulubəyov 100-ə yaxın elmi əsərin, 13 ədəd müəlliflik şəhadətnaməsinin, metodik göstərişin və bir neçə dərs vəsaitinin müəllifidir. O, uzun müddət Azərbaycan Kənd Təsərrüfatı İnstitutunun Elmi Şurasının üzvü və Mendeleyev adına Kimyaçılar Cəmiyyətinin Gəncədə sədri olmuşdur. Mendeleyev Cəmiyyətinin fəxri fərmanı və birinci dərəcəli mükafatına layiq görülmüşdür.

Mikayıl Qulubəyov 1964-cü ildə doktorluq dissertasiyasını müdafiə edərək, 1965-ci ilin iyun ayında kimya elmləri doktoru alimlik dərəcəsi və 1967-ci ilin mart ayında isə professor elmi adına layiq görülmüşdür.

Mikayıl Qulubəyov ömrünün sonunadək institutda kafedra müdiri işləmiş, müxtəlif orden və medallarla təltif olunmuşdur.

Mikayıl Rəhim bəy oğlu Qulubəyov 1983-cü il iyun ayının 20-də Gəncə şəhərində vəfat etmişdir.

 

Baratzadələr

E-mail Çap PDF

 

01122254---

Soldan sağa: Axund Hacı Molla Yaqub Baratzadə, Molla Möhsüm və Seyid Həsən

1

Kərbəlayi Molla Məhəmməd Əli Molla Barat oğlu

02020202020200-

Axund Hacı Molla Yaqub Axund Kərbəlayi Məhəmməd Əli oğlu Baratzadə

112255548

Kərbəlayi Molla Məhəmməd-Əli Molla Barat oğlu

011111-----------

Soldan sağa: Axund Hacı Molla Yaqub Baratzadə, Molla Möhsüm (Məsim) və Seyid Həsən

123435465677898090987675432q353623762672672623265252

 

Lətifov Həsən Nürəddin oğlu

E-mail Çap PDF

 

Let.Hesen

Həsən Nürəddin oğlu Lətifov 1954-cü ilin noyabr ayında Gəncə şəhərində anadan olmuşdur. Gəncə şəhər 34 saylı orta məktəbi bitirmişdir. Əmək fəaliyyətinə Gəncə Xalça Kombinatının əyiricilik sexində başlamışdır. Həqiqi hərbi xidməti isə Rusiyada çəkmişdir.

Vətənin ağır günlərində Gəncə şəhər, Kəpəz rayon Hərbi Komissarlığı tərəfindən könüllü olaraq səfərbərliyə alınmışdır. Gəncə özünümüdafiə batalyonunda igidcəsinə döyüşmüşdür. Qorxubilməz, yenilməz bir əsgər idi. Bir sıra yerlərdə, eləcə də Ağdərə rayonunun Çıldıran kəndi uğrunda gedən döyüşlərdə erməni quldurlarına xeyli ziyan vurmuşdur.

22 sentyabr 1992-ci ildə gedən döyüşlərin birində Həsən Lətifov qəhrəmancasına həlak olmuşdur. Məzarı Gəncə Şəhidlər xiyabanındadır.

Hesen_bulaq

 


AXTARIŞ

GİRİŞ

Paylaş


© 2011 - 2013. Hər hansı bir məlumatı, materialı və fotoşəkili administrasiyanın icazəsi olmadan istifadə etmək qeyri-qanuni hesab ediləcək və Azərbaycan Respublikasının Qanunlarına əsasən cəzalandırılacaqdır.
ankara escort